Vuçiç: Qeveria në Kosovë të bëjë punën e saj, ne bëjmë tonën

Teksa vizitoi manastirin Poganovo, ku bisedoi me Peshkopin Vasilije dhe klerikët, presidenti i Serbisë, Aleksandar Vuçiç deklaroi se nuk i ka lexuar letrat më të fundit mbi “non-paper”-in që flet për autonominë e veriut të Kosovës dhe se ai nuk dëshiron të dëgjojë kërkesat e Prishtinës në lidhje me manastiret në Kosovë. Ai tha se Serbia do t’i ruajë ato.

I pyetur për të komentuar mbi kërkesat e Qeverisë së Kosovës për t’i hequr katër manastire nga kategoria e monumenteve të rrezikuara në listën e UNESCO-s, Vuçiq tha “le ta bëjnë punën e tyre, ne do ta bëjmë tonën”.

Kur e pyetën nëse kjo e frikëson, ai tha se nuk e tremb, por tha se ndien shqetësim.

“Asgjë nuk më frikëson, por kjo më shqetëson, ne do të luftojmë dhe do të shpëtojmë Deçanin, Graçanicën, Patriarkanën e Pejës”, tha Vuçiç.