LETËRNJOFTIMET E RI, kush duhet ti ndryshojë dokumentet dhe kur – shikojeni listën

Nëse deputetët miratojnë sot Ndryshimet e Propozuara në Ligjin për Letërnjoftimet, siç është paralajmëruar, nga viti 2022, ato do të përmbajnë një certifikatë për nënshkrim elektronik nga viti 2022, e cila do të mundësojë identifikimin në distancë.

Qytetarët nuk do të lejohen të përdorin letërnjoftimin nëse adresa e vendbanimit të qytetarit nuk futet në çip ose në kartë (nëse nuk ka çip).

Nga Ministria e Brendshme thonë se ky ndryshim kontribuon në sigurinë ligjore sepse një qytetar që ndryshon vendbanimin e tij, por nuk e ndryshonë atë informacion përmes çipit, nuk do të jetë në gjendje ta përdorë atë dokument në transaksionet ligjore, as për të vërtetuar kontrata.

Të miturit mbi moshën 16 vjeç mund ta marrin letërnjoftimin e ri me pëlqimin e vetëm njërit prind, pavarësisht nëse tjetri ushtron të drejta prindërore, dhe jo të dy, siç ka qenë rasti deri më tani. Në rast të humbjes së letërnjoftimit, qytetarët nuk do të duhet ta shpallin atë në “Gazetën Zyrtare” dhe të paguajnë tarifën, por Ministria e Brendshme (MUP) do ta bëjë atë në faqen zyrtare të internetit, pasi që ka marrë një vendim për ta shpallur të pavlefshëm dokumentin personal.

Siç tha Ministri Sinisha Mali në prezantimin e ndryshimeve në parlament, në këtë mënyrë jo vetëm që thjeshtohet procedura, por edhe kostot që kanë qytetarët e Serbisë zvogëlohen.

Ndryshimet përcaktojnë gjithashtu që ky dokument personal është një mjet për krijimin e një nënshkrimi elektronik në përputhje me rregulloret që rregullojnë fushën e dokumenteve elektronike, identifikimin elektronik dhe shërbimet e besimit në biznesin elektronik. Me kërkesë të qytetarit, një mikrokontrollues (çip) futet një certifikatë e kualifikuar për nënshkrimin elektronik të pronarit dhe të dhënat e duhura për formimin e certifikatës. Kështu, karta e identitetit përfaqëson një skemë të identifikimit elektronik të një niveli të lartë të besueshmërisë.

Ndryshimet e miratuara nga Komisioni Parlamentar i Mbrojtjes dhe Punëve të Brendshme dje përcaktuan se ligji do të hyjë në fuqi jo pas tetë ditëve kur botohet në “Gazetën Zyrtare”, por do të hyjë në fuqi nga 1 Janar 2022. Siç shpjegohet, qytetarët pasi ti skadojë afati atyre nuk ka nevojë të i ndryshojë, por automatikisht do të ndryshohen ato pasi ti skadojë afati. Ata që nuk kanë çip do të duhet të ndryshojnë kartat e tyre të identitetit sa herë që ndryshojnë adresën e tyre.

Siç thuhet në shpjegimin e ndryshimeve të propozuara, ndryshimet u propozuan për shkak të mangësive në ligjin aktual, por edhe për shkak të sigurisë më të madhe të qytetarëve.