A do të jenë në gjendje fëmijët të marrin një vaksinë tjetër?

Agjencia Evropiane e Barnave (EMA) njoftoi sot se pret të marrë një vendim muajin tjetër për përdorimin e vaksinës kundër kovid19 nga kompania Moderna Ink, tek fëmijët e moshës 12 deri në 17 vjeç, me kërkesë të prodhuesit.

Komiteti i EMA do të përshpejtojë vlerësimin e të dhënave të paraqitura me aplikimin, njoftoi EMA, duke shtuar se një vonesë është e mundur nëse kërkohet informacion shtesë.

Vaksina, e cila jepet në dy doza, përdoret tashmë në vendet e Bashkimit Evropian për njerëzit mbi moshën 18 vjeç dhe në Shtetet e Bashkuara të Amerikës dhe Kanada.

Kompania ka kërkuar gjithashtu miratim për përdorim me adoleshentë në Kanada, dhe planifikon të aplikojë edhe në Shtetet e Bashkuara.

Nëse miratohet, Moderna do të jetë vaksina e dytë që do të përdoret për të vaksinuar adoleshentë në BE, pasi vaksina Fajrezer / Bionteka u miratua muajin e kaluar.