“I pa dëshiruar je për kryetaren”, largohet nga puna Hevzi Mehmeti

Me indinjatë të thellë jemi njoftuar për diferencimin dhe largimin nga puna në N.P. Moravica të Hevzi Mehmetit. Hevziu ishte një punëtor i shkëlqyer, i sjellshëm me qytetarët e Komunës, ndërsa si baba i dy fëmijëve dhe familjar i përgjegjshëm e siguronte kafshatën e gojës.

Pushteti i tanishëm në mënyrën më anti-njerëzore ka larguar atë nga puna për arsyje se nuk i është bindur politikisht drejtorit të këtij institucioni publik dhe subjektit të cilit përfaqëson ai, me çˋrast Hevziu është ndëshkuar duke u larguar nga puna.

Ky është një pushtet revanshues i cili ka marrur peng institucionet e Komunës së Preshevës dhe ka shëndrruar në inkubator votash, duke shkelur mbi çdo normë njerëzore dhe demokratike. Prandaj, ka ardhur koha e reflektimit të madh për të kthyer besimin dhe shpresën larg sistemit abuziv në baza sociale.

Preshevë, 11 dhjetor 2021
Shërbimi për Informim
Alternativa për Ndryshim