Duket se nuk kemi paqe as në vitin 2022

Edhe pse ne kemi hyrë në vitin 2022 me shpresën se epidemia e virusit do të marrë fund disi, tani për tani nuk ka indikacione të qarta se kjo është drejt fundit. Rasti i ri, i cili është një kombinim i gripit Covid dhe gripit sezonal i quajtur fluron, duket se nuk u jep qetësi shkencëtarëve dhe mjekëve në mbarë botën.

Ministria izraelite e Shëndetësisë po heton rastin dhe po përpiqet të përcaktojë nëse kombinimi i dy viruseve mund të shkaktojë simptoma më serioze.

Ekspertët paralajmërojnë se infeksioni i njëkohshëm me gripin dhe disa viruse të tjera të frymëmarrjes sigurisht që dobëson organizmin dhe sistemin imunitar.

Edhe kur nuk janë në të njëjtin trup në të njëjtën kohë, shfaqja e dy viruseve në të njëjtën periudhë mund të krijojë probleme serioze për sistemet shëndetësore tashmë të rënduara. Javët e fundit, në Izrael ka pasur një rritje të numrit të personave që vuajnë nga gripi sezonal.

“Të mbivendosësh koronën dhe gripin do të ishte katastrofike”

Javën e kaluar, 1,849 izraelitë u pranuan në spitale me grip, duke përfshirë 605 fëmijë dhe 124 gra dhe nëna shtatzëna.

Kjo është arsyeja pse autoritetet shëndetësore në Izrael i frikësohen shfaqjes së një “epidemie binjake” (twindemic), pra një epidemie të njëkohshme të koronavirusit dhe gripit sezonal. Dyshohet se një numër i madh i rasteve të gripit dhe Covid 19 mund të mbingarkojnë spitalet, gjë që u parandalua vitin e kaluar me masa rigoroze epidemike në mbarë botën.

Gjithashtu supozohet se në të njëjtën kohë një numër i madh i personave të infektuar me koronavirus dhe grip sezonal do të çojë në rritje të numrit të rasteve të fluronit, pra se gjithnjë e më shumë njerëz do të infektohen me një kombinim të dy viruseve.