Digjet vetura Audi me targa të Kosovës në Konçul

Një veturë pasagjerësh Audi ka marrë flakë teksa po lëvizte të martën rreth orës 16:00.

Sipas të dhënave nga hetimi, vetura ka qenë duke lëvizur nga drejtimi i Bujanocit në drejtim të Kosovës, kur është përfshirë nga flakët jo shumë larg vendkalimit administrativ Konçul.

Fatmirësisht shoferi nga zona e Ranillugut, i cili ishte në veturë, nuk ka pësuar lëndime.

Në orën 16, policia është njoftuar se “një automjet pasagjerësh është vetëndezur në pikën e përbashkët të vendkalimit administrativ Konçul”.

Siç merret vesh jozyrtarisht, bëhet fjalë për një model të vjetër “Audi”.

Në vendngjarje, përveç policisë, kanë dalë edhe zjarrfikësit, të cilët kanë shuar me shpejtësi zjarrin.