Gjermania shfuqizon disa nga masat – udhëtim më të lehtë për turistët

Në kuadër të zbutjes së masave epidemiologjike kundër koronavirusit, Gjermania ka vendosur që pas datës 1 maj, kushdo që është pozitiv me koronavirus nuk do të duhet të izolohet, pra nuk do të ketë masa të detyrueshme karantine.

Ministri gjerman i Shëndetësisë Karl Lauterbach tha se këto masa do të vlejnë për të gjithë, përveç punëtorëve në sektorin e shëndetësisë.

Ata mund të dalin nga izolimi pas pesë ditësh me një test negativ të shpejtë ose PCR.

Ministri u shpreh se një vendim i tillë është në fuqi, pasi askush nuk e kontrollon më karantinën, sepse është një procedurë burokratike që nuk ka shumë ndikim në numrin e rasteve të reja.

Vendimi është veçanërisht i rëndësishëm kur bëhet fjalë për shtetas të huaj apo turistët, sepse lehtëson shumë udhëtimin dhe qëndrimin në vend.