Paga mesatare në Serbi është 70.605 dinarë

Paga mesatare bruto në Serbi në shkurt të këtij viti ka qenë 97.392 dinarë, ndërsa paga mesatare neto (pa taksa dhe kontribute) është 70.605 dinarë, njoftoi sot Byroja Republikane e Statistikave.

Krahasuar me të njëjtin muaj të vitit të kaluar, pagat mesatare bruto dhe neto për shkurt 2022 janë nominalisht më të larta për 13,4 për qind, dhe realisht për 4,2 për qind.

Paga mesatare neto për shkurt 2022 ka qenë 53.590 dinarë, që do të thotë se 50 për qind e të punësuarve kanë fituar deri në atë shumë.

Rritja e pagave bruto dhe neto në periudhën janar-shkurt 2022, krahasuar me të njëjtën periudhë të vitit të kaluar, në terma nominalë ishte 12.9 për qind dhe në terma realë 4.1 për qind.