Vuçiq tha se energjia elektrike në Serbi është më e lira në Evropë

Presidenti Serbisë tha se çmimi i energjisë elektrike do të duhet të rritet, por sigurisht që nuk do të rritet “brenda natës”, dhe se autoritetet do të përpiqen ta mbajnë atë të ulët, edhe pse më të lartë se më herët.

Vuçiq tha se energjia elektrike në Serbi është më e lira në Evropë, më herët ishte në Ukrainë, që kur shpërtheu lufta, nuk është, siç është në Gjeorgji.

“Askush në Evropë nuk ka më një çmim si në Serbi. Është në thelb një kategori sociale në vendin tonë, që nuk është e drejtë me EPS-në, por është kështu”, tha Vuçiq.

“Ne do të kujdesemi që ta mbajmë çmimin ende jashtëzakonisht të ulët, por do të duhet të rritet në një moment,” shtoi presidenti i Serbisë.

Ai shpjegoi se edhe kur shpallet rritje e energjisë elektrike, duhet të kalojnë një apo dy muaj derisa të miratohet nga agjencia, kështu që sigurisht që nuk mund të ndodhë “brenda natës”.

Ai shtoi se duhet të ruhet stabiliteti financiar i vendit, por edhe të investohet shumë në EPS, që të mos gërmohen 60-70 mijë tonë, por 90 mijë ton qymyr dhe të bëhet sistemi i qëndrueshëm.