Sot nga ora 15:00 ja sa do të jenë çmimet e reja të naftës dhe benzinës

Eurodizel do të shitet nga ora 15:00 sot deri të premten e ardhshme në të njëjtën kohë me çmim jo më shumë se 216 dinarë për litër, ndërsa benzina Europremium BMB 95 për jo më shumë se 174 dinarë për litër, njofton Ministria e Tregtisë në ueb faqen e saj.

Më parë Eurodieseli shitej me çmim jo më shumë se 217,5 dinarë për litër, ndërsa benzina motorike Europremium BMB 95 për jo më shumë se 177 dinarë për litër.

Qeveria e Serbisë së fundi ka miratuar vendim për vazhdimin e Rregullores për kufizimin e çmimit të derivateve, e cila do të jetë e vlefshme deri në shtator edhe për shtatë ditë. Vendimi, siç u tha, është marrë duke pasur parasysh se kriza energjetike në tregun botëror vazhdon të shkaktojë kërcënim për mungesë kritike të këtyre mallrave, thelbësore për qytetarët e Serbisë.

Nafta në rënie
Çmimi i naftës në tregjet ndërkombëtare ishte në rënie të enjten. Një fuçi naftë bruto në tregun e Londrës ra me 2.72 dollarë në 91.38. Në tregun amerikan një fuçi tregtohej me çmimin 86.85, që është 1.63 dollarë më pak.