Sa mandarina duhet të hani në ditë?

I njohur si aleati ynë në fitimin e imunitetit të fortë, ky frut ushqen edhe lëkurën.

Aromatike, me lëng dhe të pasura me vitaminë C, mandarinat janë pararojë e pagabueshme e stinës së vjeshtës dhe dimrit. Duke qenë se ato janë jashtëzakonisht freskuese dhe përmbajnë rreth 80 për qind të marrjes së nevojshme ditore të vitaminës C, pyetja është se sa mandarina duhet të hamë në ditë?

I njohur si aleati ynë në fitimin e imunitetit të fortë, ky frut ushqen edhe lëkurën. Një nivel i shëndetshëm i vitaminës C në trup luan një rol jetësor në mënyrën se si trupi prodhon kolagjenin, i cili e mban lëkurën tonë të duket rinore. Vitamina C gjithashtu është treguar se parandalon dhe trajton dëmtimin e lëkurës të shkaktuar nga ekspozimi në diell.

Një përfitim tjetër i përmbajtjes së lartë të vitaminës C në mandarina është mbështetja e shëndetit të syve duke vonuar fillimin e kataraktave dhe degjenerimit makular. Ka prova që vitamina C dhe antioksidantë të tjerë ushqyes mund të ndihmojnë në mbajtjen e syve të shëndetshëm për më gjatë.

Mandarinat kanë një sasi të moderuar të vitaminës A. Rreth 100 gram mandarina sigurojnë afërsisht 14 për qind të marrjes së rekomanduar ditore të kësaj vitamine.
Ndërsa ekspertët rekomandojnë pesë racione frutash në ditë, mandarinat janë një mënyrë e shkëlqyer për të arritur këtë qëllim – një mandarinë është afërsisht e barabartë me një porcion frutash, raporton Webmd.com. Pra, pesë mandarina në ditë plotësojnë nevojat tona ushqyese.

Mandarina ndihmon në luftimin e kolesterolit të keq. Duke qenë se është i pasur me fibra dietike dhe ka një efekt pozitiv në tretje, do të ndihmojë edhe në ruajtjen e një figure të mirë.