Moravica pastron gjethet nga rruga në Preshevë

Ambienti i pastër jetësor është ndër kushtet më të rëndësishme për shëndet më të mirë dhe nuk ka mision më të shenjtë jetësor se të punosh për pastërtinë e vendit ku jeton.

Kështu njësia e angazhuar për mirëmbajtjen e pastërtisë nga Ndërmarrja Publike “Moravica” për çdo ditë realizon procesin e pastrimit në rrugët e qytetit. Sot ata u përkujdesën për pastrimin e rrugëve nga gjethet e pemëve që kanë rënë në rrugën kryesore të qytetit të Preshevës.

“Ndërmarrja Publike Moravica, me ekipin e sektorit të mirëmbajtjes dhe pastrimit, me qëllim lehtësimin për kalueshmëri dhe largim të pengesave nëpër rrugët e qytetit, ka filluar pastrimin e rrugëve nga gjethet e vjeshtës.” kanë njoftuar nga Ndermarrja Publike “Moravica”.