Gjashtë arsye pse franga zvicerane mbetet e qëndrueshme

Inflacioni në Eurozonë u rrit me një rekord prej 10.9 për qind dhe në Zvicër me vetëm tre për qind.

Çfarë bën Zvicra ndryshe nga vendet e Eurozonës dhe çfarë mund të mësojnë vendet e tjera prej saj?

Zvicra ka arritur të vërë nën kontroll inflacionin për arsyet e mëposhtme:

1. Një franga zvicerane e fortë

Ndërsa vlera e euros po bie ndjeshëm, franga zvicerane – historikisht – ka mbetur e qëndrueshme. Ky stabilitet ka rritur kërkesën e investitorëve, e cila, nga ana tjetër, rezulton në vlerë më të lartë.

2. Importet e lira

Një franga e fortë mundëson importe të favorshme dhe mban nën kontroll inflacionin e importuar, shkruan DW.

3. Çmime të qëndrueshme të energjisë

Zvicra mbulon pothuajse 90 për qind të nevojave të saj për energji nga termocentralet e saj bërthamore dhe hidrocentrale. Rritja e çmimeve të naftës dhe gazit nuk ka pothuajse asnjë efekt në tregun zviceran të energjisë, i cili gjithsesi është i rregulluar nga shteti.

4 Standardi i lartë i jetesës

Për qytetarët zviceranë, kostot e energjisë përbëjnë vetëm një pjesë të vogël të shpenzimeve shtëpiake. Kjo është arsyeja pse rritja e çmimeve të energjisë prek më pak njerëzit në këtë vend.

5 Taksa të larta doganore

Zvicra mbron industrinë vendase bujqësore me tarifa të larta për mallrat e importuara. Dhe ndërsa kjo strategji çon në kosto të larta jetese, ajo gjithashtu zbut efektet e rritjes së çmimeve në tregun botëror.

6. Rritje të vogla pagash

Edhe pse rritja shumë e ngadaltë e pagave në Zvicër ka efekte negative në të ardhurat e njerëzve, ato gjithashtu stabilizojnë çmimet.

Që nga gushti, norma e inflacionit në Zvicër ka rënë sërish.

Banka Qendrore e Zvicrës parashikon një inflacion prej 2.4 për qind për vitin 2023.