Në maternitetin e Preshevës këtë vit ka lindur vetëm një foshnjë

Në maternitetin e Preshevës këtë vit ka lindur vetëm një foshnjë, e cila konstaton se ekzistenca e saj nuk justifikohet, edhe pse ishte një nga kërkesat kryesore të shqiptarëve të kësaj ane dhjetë vjet më parë.

Ndërtimi i një materniteti ambulator në Preshevë ishte një nga kërkesat më të rëndësishme të shqiptarëve nga jugu i Serbisë që nga viti 2010, por materniteti ambulator nuk e justifikoi ekzistencën e tij.

Që nga fillimi i vitit në Qendrën Shëndetësore, e cila ka maternitetin ambulator, ka lindur vetëm një foshnje dhe gjatë vitit të kaluar ka pasur gjithsej 13 lindje.

Boban Spasiq, drejtor i Shtepise se shendetit në Preshevë, thotë se gratë nga Presheva i frikësohen komplikimeve gjatë lindjes, prandaj zgjedhin qendra më të mëdha shëndetësore.

– Kemi pesë gjinekologë, nga ai numër, dy punojnë si gjinekologë dhe obstetër.

Kemi kushte të mira për lindje natyrale, por femrat nga frika e komplikimeve gjatë lindjes vendosin për institucionet tjera shëndetësore që kanë salla operative – shpjegon Spasiq.

Materniteti në Preshevë është hapur zyrtarisht në janar të vitit 2014, por ka filluar të punojë pas një viti e gjysmë, kryesisht për shkak të mungesës së personelit mjekësor.

Është ndërtuar në pjesën e rikonstruktuar të Shtepise se shendetit. Ndërtimin e kanë financuar Ministria e Shëndetësisë, Trupi Koordinues i Qeverisë së Republikës së Serbisë për komunat Preshevë, Bujanoc dhe Medvegjë dhe vetëqeverisja lokale me rreth 1.5 milionë euro, ndërsa Bashkimi Evropian dhe Qeveria e Zvicrës kanë financuar prokurimi i aparaturave për maternitetin me 250.000 euro.

Kur u hap Materniteti, një nga argumentet më të rëndësishme ishte se gratë nuk do të duhet të bëjnë 50 kilometra për të lindur në Vranjë dhe se priten deri në 100 lindje në vit.