Mjekët zbuluan: Koha ideale për të fjetur në dimër

Gjatë netëve të gjata të dimrit, ne kemi nevojë për më shumë gjumë sesa gjatë verës, ka zbuluar një studim i ri.

Shumë njerëz kanë gjumë më të gjatë REM në dimër në krahasim me muajt e ngrohtë, sepse nata zgjat më shumë, zbuloi një studim i botuar në revistën Frontiers in Neuroscience.

Hulumtimi u krye nga ekspertë të Universitetit Mjekësor Charité në Berlin, dhe 292 persona morën pjesë në hulumtim. Ata u kërkuan të flinin natyrshëm, më pas monitoruan cilësinë, kohëzgjatjen dhe llojin e gjumit të subjekteve.

Duke vëzhguar pjesëmarrësit, ata përcaktuan se koha e gjumit në dimër është rreth një orë më e gjatë se në verë. Megjithatë, kjo nuk është e gjitha. Ata zbuluan se faza e gjumit REM, e lidhur me ritmin cirkadian, ishte gjithashtu 30 minuta më e gjatë në dimër.

“Fiziologjia e njeriut zvogëlohet gjatë dimrit, kështu që ne ndihemi bosh në shkurt ose mars”, tha autori i studimit Dr. Dieter Kunz.

Prandaj, ekspertët kanë sugjeruar që njerëzit të shkojnë në shtrat një orë më herët gjatë ditëve të dimrit, në mënyrë që të pushojnë dhe të flenë mjaftueshëm.