Komuna e Preshevës thirrje publike për bujqit, aplikimi bëhet online

Për ndarjen e mjeteve si ndihmë financiare për bujqit në territorin e komunës së Preshevës të cilët kanë të regjistruar ekonominë bujqësore në Regjistrin e Ekonomive Bujqësore.

Të drejtë aplikimi kanë të gjitha ekonomitë bujqësore me status Aktiv në vitin 2023 (bartësit e ekonomive bujqësore ose të jetë anëtarë i saj), që janë të regjistruar në Regjistrin e Ekonomive Bujqësore dhe ushtrojnë veprimtarinë në territorin e komunës së Preshevës si dhe të kenë vendqëndrim në territorin e komunës së Preshevës, duke përjashtuar ekonomitë bujqësore të cilat janë të regjistruara pas datës 14.03.2023.

Ekonomitë bujqësore të cilat i plotësojnë kushtet për aplikim të përshkruara më lartë, mund të aplikojnë në formë elektronike (online) duke klikuar në linkun e mëposhtëm:

https://forms.gle/uSngaoerhTpnHs3v7

Për sektorin e prodhimtarive bujqësore janë të parapara 2.000.000,00 dinarë, për blerjen e plehut artificial.
Aplikuesit në sektorin e prodhimtarive bujqësore dërgojnë kuponin fiskal si dëshmi për blerjen e plehut artificial. Ndarja e mjeteve do të realizohet proporcionalisht deri në harxhimin e mjeteve të parapara.
Afati i fundit për aplikim është deri më datë 29.03 2023, ora 14:00. Paraqitjet e pakompletuara dhe pas afatit nuk do të shqyrtohen nga ana e komisionit.