Paralajmëron RHMZ: Mot me dëborë na pret

Priten reshje të mëdha dhe janë dhënë tre paralajmërime.

Instituti Republikan Hidrometeorologjik ka lëshuar sot tri paralajmërime, të cilat bëjnë fjalë për sasi të madhe të reshjeve, borë dhe formim të mbulesës së borës.

Sipas paralajmërimit për zonën e tone për reshje të mëdha, sot pritet mot i vranët me reshje shiu, ndërsa në male me borë. Sasi më e madhe e reshjeve priten në pjesën e dytë të ditës në rajonet jugore dhe lindore nga 20 deri në 40 mm për 12 orë, vende-vende edhe më shumë.

Instituti Hidrometeorologjik Republikan ka publikuar edhe një paralajmërim për borë dhe formim të mbulesës së borës, i cili vlen për ditën e sotme dhe nesër. Sot dhe të martën do të bjerë borë në zonat malore me formim të mbulesës së dëborës prej 20 deri në 50 cm. Në zonat më të ulëta sot borë dhe formim mbulesë bore pritet në fund të ditës dhe gjatë natës drejt së martës, si dhe të martën gjatë ditës me lartësi 10 deri në 20 cm.

Edhe për kryeqytetin është paralajmëruar për borë dhe formimin e mbulesës së borës, e e njëjta gjë vlen edhe për sot dhe nesër. Në kryeqytet gjatë ditës së sotme pritet ulje e temperaturës në fund të ditës, ndërsa reshjet e shiut do të kalojnë në borë, andaj gjatë natës së martës dhe të martës pritet formimi i mbulesës së dëborës prej 10 deri në 20 cm.