Erërat e pakëndshme të trupit mund të jenë një paralajmërim: Njëra është madje një sinjal për kancer

Erërat e çuditshme të trupit mund të jenë shenjë e problemeve të mundshme shëndetësore dhe mjekët pohojnë se ato mund të jenë edhe shenjë e kancerit.

Ka erëra të pakëndshme të trupit që nuk largohen dhe mund të sinjalizojnë një problem serioz shëndetësor.

Erë e pakëndshme e djersës

Nuk mund ta largoni erën e pakëndshme të djersës edhe pas dushit. Kjo mund të jetë një shenjë e mungesës së magnezit.

“Magnezi është një mineral që ndihmon në pastrimin e organeve tona të brendshme dhe në zgjidhjen e erës së pakëndshme të trupit”, thotë kardiologu Robert Segal.

Kur konsumojmë shumë kafeinë, sheqer ose ushqime të përpunuara, mund të ulë ndjeshëm nivelet e magnezit. Nëse ende nuk kemi erë aq të freskët dhe kemi simptoma të tjera si ngërçe muskulore, dridhje ose mpirje dhe ndjesi shpimi gjilpërash, ekspertët rekomandojnë se do të ishte mirë të kontrollonim nivelin e magnezit në trup.

Erë shumë e fortë e trupit

Nëse keni një çrregullim të tretjes si sëmundja e Crohn-it ose koliti ulceroz, mund të keni gjithashtu mungesë serioze të zinkut, thonë mjekët.

Doktor Segel thekson se zinku ndihmon trupin tonë të menaxhojë mbetjet dhe toksinat, dhe kur një çrregullim i tretjes është i pranishëm, trupi mund të mos e përthithë mineralin siç duhet. Prandaj, mungesa e zinkut mund të rezultojë në erë të fortë të trupit, veçanërisht erë të keqe të gojës.

Erë e keqe e gojës që kundërmon vezët e kalbura

Nëse nuk mund ta largoni erën e keqe të gojës edhe duke larë dhëmbët, me siguri keni një problem shëndetësor.

Nëse higjiena e duhur dentare ende nuk mund të largojë nga goja erën e keqe që i ngjan vezëve të kalbura, paralajmëron Dr Segal, mund të jetë një infeksion bakterial.

Gjegjësisht, era e keqe e gojës shkaktohet nga një bakter i quajtur Helicobacter pylori që mund të jetojë në sistemin tonë të tretjes. Në disa njerëz nuk shkakton simptoma të dukshme, ndërsa te të tjerë mund të çojë në ulçerë në stomak dhe madje edhe kancer në stomak.

Erë e pakëndshme nga veshi

Era e pakëndshme e trupit mund të vijë edhe nga veshët, megjithëse nuk është aq e zakonshme.

“Nëse keni një erë shumë të pakëndshme në veshët tuaj, ka shumë të ngjarë që vuani nga një lloj infeksioni, i cili është ajo që çon në aromën e mprehtë të lartpërmendur. Një shembull tjetër i kësaj është kur keni një qime të rrënjosur ose një kist dhjamor, dhe kur ai acarim ose infeksion shpërthen, nënprodukti brenda pothuajse gjithmonë ka një erë jashtëzakonisht të pakëndshme”, shton ai.