Lajm i mirë për blerësit: Po futet një ndalim që mund të ulë çmimet e mallrave

Parlamenti Evropian ka miratuar rregulla të reja për produktet e eko-dizajnit që ndalojnë shkatërrimin e rrobave, këpucëve dhe pajisjeve elektronike të pashitura.

Rrobat, këpucët dhe pajisjet elektronike të reja me vlerë 21.7 miliardë euro janë djegur në BE deri në vitin 2022. Nëse nuk bëhet asgjë, sipas vlerësimeve, ky numër do të rritet në 71.3 miliardë deri në vitin 2030.

“Përsa i përket veshjeve, markat që lidhen me praktika të tilla janë H&M dhe Zara për shkak të rritjes së tregtisë online. Dhe markat luksoze si Burberry djegin mallrat e pashitura për të ruajtur çmimet e larta të produkteve të tyre”.

BE-ja djeg nga 11 deri në 32 milionë bluza të reja çdo vit, dhe vetëm ajo një veshje shpenzon 35 miliardë litra ujë, 12,300 ton pambuk, 1.9 milionë litra vaj.

“Ne ndalojmë humbjen e burimeve për të kënaqur lakminë e dikujt. Dy vjet më parë në Skoci u zbulua se Amazon shkatërron 130 mijë laptopë të rinj, dronë, pajisje të ndryshme elektrike shtëpiake që nuk janë shitur apo kthyer në baza javore. Ata ndoshta kanë gjykuar se është më e lirë që t’i djegin sesa t’i dhurojnë. Prandaj ne po vendosim një ndalim të veçantë edhe për pajisjet elektronike”.

Propozimi i ri sjell edhe futjen e pasaportës dixhitale për produktet. Kështu, çdo konsumator do të jetë në gjendje të mësojë lehtësisht detaje për produktin që blen, si origjinën, mundësinë e riparimit dhe riciklimit, ndikimin në mjedis apo kimikatet e dëmshme.