Pasaporta e Maqedonisë nuk është e vlefshme që nga mesnata, kush është jashtë vendit ja çka duhet të bëjë

Në Maqedoninë e Veriut, periudha kalimtare prej pesë vitesh do të skadojë në mesnatë, domethënë pasaportat me emrin e vjetër të vendit do të pushojnë së vlefshmi.

Përveç pasaportës, asnjë dokument për përdorim ndërkombëtar në të cilin figuron “emri i vjetër” i vendit nuk do të jetë i vlefshëm.

Qytetarët e Maqedonisë që janë jashtë vendit pas datës 12 shkurt dhe kanë dokumente të vjetra udhëtimi, do të mund të kthehen në vend me dokument udhëtimi të lëshuar në zyrat diplomatike-konsullore.

Marrëveshja e Prespës ka hyrë në fuqi më 12 shkurt 2019 dhe sipas saj, pasaportave me emrin e vjetër të vendit skadon pesë vjet më vonë, pra më 12 shkurt të këtij viti.

Marrëveshja e Prespës u nënshkrua më 17 qershor 2018 dhe ndryshimet kushtetuese për ndryshimin e emrit të Maqedonisë së Veriut u votuan në Kuvend më 11 janar 2019.

Pas publikimit të ndryshimeve në Fletoren Zyrtare në shkurt 2019, afati pesëvjeçar filloi të rrjedhë në përputhje me Marrëveshjen.