Në xhadën e vjetër afër Leranit aksidentohet një makinë me refugjatë, 3 vdesin 12 të lënduar

Më 19 shkurt 2024, në rrugën e vjetër apo e njohur si xhadja e vjetër Preshevë-Bujanoc, në afërsi të fshatit Leran, komuna e Preshevës, ka ndodhur një aksident trafiku në të cilin kanë vdekur 3 persona dhe 12 janë lënduar, mes tyre edhe shoferi. Të lënduarve iu është dhënë ndihma mjekësore nga shtëpia e shëndetit në Preshevë.

Aksidenti ka ndodhur kur i dyshuari R.R (i lindur në vitin 1981) nga fshati Corroticë, me qëllim të përfitimit, pa autorizim ka qenë duke transportuar 14 migrantë të paligjshëm nga vendet afrikano-aziatike dhe për shkak të shpejtësisë së papërshtatshme ka dalë nga rruga dhe automjeti është përmbysur duke shkaktuar vdekje dhe plagosje në fytyra.

Hetimin e ka kryer prokurori publik detyrues i Prokurorisë Themelore Publike në Vranjë, Departamenti në Bujanoc.

Të dyshuarit i është caktuar masa e ndalimit deri në 48 orë dhe i njëjti do të dërgohet në Prokurorinë e Lartë Publike në Vranjë për veprat penale kundër sigurisë së komunikacionit publik dhe kalimit të paligjshëm të kufiri shtetëror dhe kontrabanda me njerëz (vepër penale në juridiksionin e Prokurorisë së Lartë Publike).