Kjo është arsyeja pse fjala e parë e foshnjave është zakonisht “Babi”

Nëse fëmija thotë fjalën “baba” i pari, kjo nuk do të thotë domosdoshmërisht se ai tregon dashuri ndaj babait të tij, sipas ekspertëve.

“Fjala e parë zakonisht lidhet me atë që foshnjat dëgjojnë më shumë”, thotë terapistja e të folurit Stephanie Cohen.

Ka edhe arsye të tjera pse foshnjat thonë fillimisht “babi” dhe më pas “mami”. Duhet theksuar se fjala “babi” nuk lidhet me preferencat e vetë fëmijës, por, siç thekson Cohen, nënat flasin më shumë për partnerin sesa për veten e tyre.

Në disa raste, foshnjat nuk flasin fare me asnjërin prind, por vetëm nxjerrin tinguj.

Ekziston edhe një teori që është më e lehtë të shqiptohet fjala “baba” sesa “mama”, por ka edhe mosmarrëveshje midis gjuhëtarëve për këtë. Dhe ndërsa gjuhëtari rus Roman Jakobson pretendon se është më e lehtë për të vegjlit të shqiptojnë tingullin “m”, sepse ata tashmë e shqiptojnë atë në mënyrë të pandërgjegjshme ndërsa thithin një shishe ose gjoks, eksperti gjuhësor Brain Moskovitz e kundërshton këtë deklaratë. Ai pretendon se tingujt e hundës, si “m”, janë më të vështira për t’u shqiptuar.

Në çdo rast, nëse jeni duke pyetur veten se si ta bëni fëmijën tuaj të thotë fjalën “mami” në vend të “baba”, Cohen këshillon përdorimin e metodave argëtuese.

“Kur konsumoni lëng ose ujë para fëmijës, bëni tingullin “mmmm” me zë të lartë. Foshnjave u pëlqejnë lojërat me zë. Ju gjithashtu mund të tregoni me gojë se si shqiptoni tingullin “m”. Fëmija do t’ju shikojë dhe do të përpiqet të ju imitoj”, përfundoi ajo.