Mitrovicasit kërkojnë dekorim të shesheve për Ramazan

Me afrimin e muajit të shenjtë të Ramazanit, qytetarët e Mitrovicës kanë shprehur kërkesën që sheshet e qytetit të dekorohen për këtë festë.

Përmes rrjeteve sociale, ata i janë drejtuar komunës me kërkesën që të vendosen dekorime në qytet, ashtu siç bëhet çdo vit për festat e fundvitit dhe ato të krishtera.

Sipas tyre, Ramazani simbolizon dashurinë, paqen dhe sakrificën, prandaj është e rëndësishme që qyteti të reflektojë këtë atmosferë festive dhe shpirtërore.