Në kufirin e Preshevës arrestohet një shtetas shqiptar – gjatë kontrollit të autobusit hodhi heroinë nga dritarja
Policia në pikën kufitare të Preshevës ka arrestuar një 30-vjeçar nga Shqipëria. Gjatë kontrollit të një autobusi, në të cilin ai udhëtonte si pasagjer, i dyshuari hodhi nga dritarja dy pako me gjithsej 758 gramë heroinë.
Droga u gjet menjëherë pas hedhjes, ndërsa policia identifikoi dhe arrestoi personin e dyshuar me inicialet S. Z.
Prokuroria e Lartë Publike në Vranjë ka ngritur kallëzim penal ndaj tij për veprën penale “prodhim dhe shpërndarje të paautorizuar të lëndëve narkotike”. I dyshuari është mbajtur në paraburgim deri në 48 orë dhe më pas do të dalë para gjykatës.
