Dalje e lartë në Serbi, por vëzhguesit raportojnë dhjetëra parregullsi
Përveç daljes rekord në krahasim me vitin 2023, zgjedhjet e sotme në Serbi po shoqërohen edhe me raportime për parregullsi, njofton Radio Evropa e Lirë.
Organizata CeSID ka regjistruar më shumë se 70 parregullsi vetëm deri në ora 9:00. Ndër to janë fotografimi i fletëvotimeve, votimi jashtë kabinave dhe votimi familjar, si dhe një rast kur dikush ka votuar në emër të një personi tjetër. CeSID ka shprehur shqetësim të veçantë për faktin se në disa vendvotime vëzhguesve nuk u është lejuar hyrja.
Edhe misioni vëzhgues CRTA thotë se dalja është shumë mbi trendin historik, por ka evidentuar parregullsi procedurale, si probleme me sprejin dhe llambat ultravjollcë.
Në këto zgjedhje, një lëvizje e dalë nga protestat studentore synon t’i japë fund pushtetit 14-vjeçar të Vuçiqit dhe SNS-it. Vuçiq dha dorëheqje nga posti i presidentit në shtator dhe tani synon postin e kryeministrit.
Të drejtë vote kanë mbi 6,4 milionë qytetarë, ndërsa vendvotimet mbyllen në ora 20:00.
Burimi: Radio Evropa e Lirë
