Kaos dhe pritje mbi tri orë në kufirin me Kroacinë: Njoftim i rëndësishëm për bashkatdhetarët

Fluksi i madh i automjeteve gjatë këtij sezoni të pushimeve ka shkaktuar bllokada të mëdha dhe vonesa të gjata në dalje nga Serbia drejt Kroacisë, duke krijuar radhë të kilometrike në pikëkalimet kufitare.

Sipas njoftimeve të fundit nga autoritetet kompetente, në pikëkalimin kryesor kufitar Batrovci – Bajakovo, kohëpritjet për të dalë nga Serbia kanë kaluar më shumë se tri orë. Kjo situatë ka prekshmëri të drejtpërdrejtë për një numër të madh të bashkatdhetarëve tanë nga Lugina e Preshevës dhe rajoni, të cilët pas përfundimit të pushimeve po kthehen drejt vendeve të Bashkimit Evropian.

Rekomandimet e autoriteteve për udhëtarët
Për të shmangur pritjet e gjata dhe lodhjen në temperaturat e larta, autoritetet u bëjnë thirrje shoferëve që të tregojnë durim dhe të shfrytëzojnë pikat alternative kufitare me Kroacinë, të cilat janë më pak të ngarkuara:

Šid – Tovarnik
Bačka Palanka – Ilok
Sot – Principovac
Bogojevo – Erdut

Drejtuesve të mjeteve u rekomandohet që përpara se të nisën në rrugë të kontrollojnë gjendjen reale në pikat kufitare përmes kamerave të drejtpërdrejta dhe të sigurohen që të kenë me vete energji, ujë dhe furnizimet e nevojshme për udhëtim.